Terms of Service — Kekthal

1. Kekthal Kya Hai

Kekthal ek software tool hai — RTO aur insurance agents ke liye WhatsApp-first platform. Customer records, documents ka OCR, reminders, tickets aur templates — sab aapke apne WhatsApp Business number pe.

• OCR sirf RC, policy aur PAN jaise documents pe. Aadhaar kabhi OCR nahi hota.
• Customer hamesha aapse (agent se) baat karta hai — beech mein koi platform bot nahi.

2. Kaun Use Kar Sakta Hai

• Registered agent — RTO ya insurance ka kaam karne wale
• Umar 18 saal ya usse zyada
• India mein kaam karte hon
• Signup pe sahi jaankari — naam, mobile, business details

3. Subscription aur Billing

• Star plan: ₹199/month — ₹49 platform + ₹150 services (~100 OCR docs/month).
• Shuruaat: signup → WhatsApp connect (free) → phir Star.
• 14 din free trial. Trial ke baad har mahine auto-billing — jab tak aap cancel na karein.
• Meta WhatsApp messaging charges alag hain — Meta seedhe aapse leta hai, Star mein shamil nahi.
• Cancel kabhi bhi — agli billing date se pehle. Paid mahine ke end tak access chalta rahega.
• Adhoore mahine ka refund nahi milta.
• Price badal sakta hai — badlav se pehle notice denge.

4. Sahi Istemaal

Kekthal use karte waqt:

• Spam ya bulk unsolicited messages nahi bhejna.
• Meta / WhatsApp Business policies aur template rules follow karna.
• Customer ko message bhejne se pehle unki consent lena.
• Koi illegal kaam nahi.
• Fake ya forged documents nahi.
• Wahi data upload karein jise rakhne ka aapko haq hai.

5. Aapka Data aur Customers ka Data

• Customer data aapka hai. Kekthal use sirf service chalane ke liye process karta hai.
• Aadhaar kabhi OCR nahi hota — number na padha jata, na nikala jata.
• Poori details: Privacy Policy · Data deletion

6. Zimmedari ki Seema

Kekthal sirf ek software tool hai. Hum inke liye zimmedar nahi:

• Aapki asli RTO ya insurance service delivery
• Insurer ya RTO ke faisle, ya claim ka result
• Premium, sarkari fees ya charges
• Meta / WhatsApp outage ya template rejection
• Service jaisi hai waisi (as-is) di jaati hai.
• Hamari zimmedari zyada se zyada pichhle 1 mahine mein aapki di gayi fees tak.

7. Account Suspend ya Band

Hum account suspend ya band kar sakte hain agar:

• Yeh terms tode gaye
• Spam ya Meta policy violation
• Payment nahi hua
• Illegal use

Aap bhi kabhi bhi apna account band kar sakte hain — Data deletion

8. Terms mein Badlav aur Kanoon

• Yeh terms time ke saath update ho sakte hain. Bada badlav ho to pehle batayenge, aur upar 'Last updated' date badlegi.
• Yeh terms India ke kanoon ke hisaab se chalte hain.

9. Sawal ya Vivaad — Contact

Koi sawal ya shikayat ho to pehle humse baat karein:

• Email: [email protected]
• WhatsApp: +91 78082 68770
• Ya contact form